კრიპტოვალუტის ბარათების გამოყენება ყოველდღიურ ცხოვრებაში სულ უფრო აქტუალური ხდება. The Kobeissi Letter-ის მონაცემებით, კრიპტო-დაკავშირებული სადებეტო და საკრედიტო ბარათების მეშვეობით განხორციელებულმა გადახდებმა მიმდინარე თვეში 7.8 მილიარდ დოლარს მიაღწია.

ეს მაჩვენებელი გასულ წელთან შედარებით 230%-ით მეტია. ზრდა პირდაპირ კავშირშია ბაზარზე ახალი, კრიპტო-დაკავშირებული გადახდის პროდუქტების გამოჩენასთან.

Visa ბაზრის დომინანტია

ანალიტიკოსების ცნობით, გადახდების გიგანტი Visa კრიპტო-ბარათების ტრანზაქციების დაახლოებით 90%-ს აკონტროლებს. კომპანია ამ შედეგს Jupiter Global-ის მსგავს ბლოკჩეინ-ნატიურ პლატფორმებთან თანამშრომლობით აღწევს. Jupiter Global თავად Solana-ს ქსელზე დაფუძნებული დეცენტრალიზებული ბირჟის, Jupiter-ის გუნდის პროექტია.

ყოველდღიური საჭიროება თუ სპეკულაცია?

კრიპტოვალუტის ბარათების ზრდა ადასტურებს, რომ ციფრული აქტივები, განსაკუთრებით სტეიბლკოინები, ტრადიციულ ფინანსურ სისტემაში ორგანულად ნერგება. ეს პროცესი არ ანაცვლებს ისეთ ტრადიციულ მოთამაშეებს, როგორიცაა Mastercard ან Visa, არამედ მათთან თანამშრომლობს.

OKX-ის მონაცემებით, რომელიც 2026 წლის იანვარში Mastercard-ის ქსელზე დაფუძნებული ბარათი გაუშვა, მომხმარებელთა ქცევა საინტერესოა:

  • სასურსათო მაღაზიები: ტრანზაქციების 26%
  • რესტორნები: ტრანზაქციების 18%
  • ონლაინ შოპინგი: ტრანზაქციების 13%

OKX-ის გუნდის განცხადებით, როდესაც მომხმარებელი კრიპტოვალუტით სადილს იხდის, ეს ნიშნავს, რომ მასობრივი მიღება რეალობად იქცა. წლების განმავლობაში კრიპტოს უმთავრეს სისუსტედ ყოველდღიური გამოყენებადობის ნაკლებობა მიიჩნეოდა.

გლობალური გაფართოება

გადახდების სფეროში ინოვაციები არ ჩერდება. მიმდინარე წლის მარტში Visa-მ და ფინტექ-კომპანია Bridge-მა (რომელიც Stripe-ის საკუთრებაა) 100-ზე მეტ ქვეყანაში სტეიბლკოინებზე დაფუძნებული ბარათების გაშვება დააანონსეს. თავდაპირველად სერვისი ლათინური ამერიკის 18 ქვეყანაში ამოქმედდა, თუმცა 2026 წლის ბოლომდე აზია-წყნარი ოკეანის, აფრიკისა და ახლო აღმოსავლეთის რეგიონებში გაფართოება იგეგმება.