UFC-ის მსუბუქი წონის მებრძოლი არმან ცარუკიანი ილია თოფურიასა და ჯასტინ გეიჯის დაპირისპირებას განსაკუთრებული ინტერესით ელოდება. ცარუკიანმა საკუთარი პოზიცია საქმითაც დაადასტურა და გეიჯის გამარჯვებაზე 1 მილიონი აშშ დოლარი დადო. იმ შემთხვევაში, თუ მისი პროგნოზი გამართლდება, მებრძოლი 5.7 მილიონ დოლარს მიიღებს.

ფინანსური მხარდაჭერის გარდა, ცარუკიანმა გეიჯის დამატებითი მოტივაციაც შესთავაზა. სოციალურ ქსელებში გავრცელებულ პოსტში მან ჯასტინს მიმართა და გამარჯვების შემთხვევაში ახალი RAM-ის პიკაპის ჩუქება აღუთქვა.

„ჯასტინ, როდესაც გაიმარჯვებ, RAM-ის ახალ პიკაპს დაგახვედრებ! წავედით!“ – წერს ცარუკიანი. მისი ეს ნაბიჯი მებრძოლებს შორის არსებულ დაძაბულობასა და შიდა წრეში არსებულ დაპირისპირებებს კიდევ უფრო ცხადს ხდის.

თავად ილია თოფურია, რომელიც „ელ მატადორის“ სახელითაა ცნობილი, ცარუკიანის ამ განცხადებებს ჯერჯერობით არ გამოხმაურებია. თუმცა, ქართველმა ჩემპიონმა გაამხილა, რომ უკვე გადაღებული აქვს სპეციალური ვიდეო, სადაც გეიჯისთან ბრძოლის საკუთარი ვარაუდი დააფიქსირა. თოფურია აპირებს, ეს მასალა ჯასტინ გეიჯის დამარცხების შემდეგ გამოაქვეყნოს.

აღსანიშნავია, რომ UFC Freedom 250-ის ჩატარების ადგილი უპრეცედენტოა. ტურნირი აშშ-ის პრეზიდენტის რეზიდენციაში, „თეთრ სახლში“ გაიმართება. დენა უაითის ინფორმაციით, ღონისძიებისთვის სპეციალური სცენის მოწყობა უკვე დასრულებულია.

თოფურიასა და გეიჯის დაპირისპირება საღამოს მთავარი მოვლენაა, რომელიც კიდევ უფრო მეტ ყურადღებას იპყრობს მსგავსი გახმაურებული ფსონებისა და საჯარო დაპირებების გამო.