ირანის პარლამენტის სპიკერმა, მოჰამედ ბაღერ ღალიბაფმა საჯაროდ შეაქო ირანელი ხალხი იმ „ისტორიული წინააღმდეგობისთვის“, რომელიც ქვეყანამ ბოლო პერიოდში გაწია. მისი განცხადებით, ერის გამძლეობამ და შეიარაღებული ძალების სიმამაცემ შესაძლებელი გახადა იმ საფრთხეების განეიტრალება, რომლებიც ირანის სახელმწიფოებრიობას ემუქრებოდა.

ღალიბაფმა ხაზგასმით აღნიშნა, რომ მიუხედავად გარე ძალების მცდელობებისა, ირანი მტკიცედ აგრძელებს საკუთარი კურსის დაცვას. „მათ უნდოდათ, მაგრამ ვერ შეძლეს. ჩვენ მტკიცედ ვდგავართ“, - განაცხადა სპიკერმა.

3 ფოტო — დააჭირე გასადიდებლად

პოლიტიკური პროცესების პარალელურად, ცნობილი ხდება მნიშვნელოვანი დიპლომატიური ნაბიჯის შესახებ: ირანსა და აშშ-ს შორის მემორანდუმი უკვე ელექტრონულად გაფორმდა. დოკუმენტს ხელი მოაწერეს აშშ-ის პრეზიდენტმა დონალდ ტრამპმა, ვიცე-პრეზიდენტმა ჯეი დი ვენსმა და ირანის პარლამენტის სპიკერმა მოჰამედ ბაღერ ღალიბაფმა.

აღნიშნული შეთანხმების ოფიციალური ხელმოწერის ცერემონია ჟენევაში, მიმდინარე კვირის ბოლოს გაიმართება. ეს მოვლენა საერთაშორისო ურთიერთობების დინამიკაში ახალ ფაზად განიხილება.