სომხეთში ჩატარებული საპარლამენტო არჩევნების საბოლოო შედეგები უკვე ცნობილია. ქვეყნის უმაღლეს საკანონმდებლო ორგანოში — ეროვნულ კრებაში — ოთხი პოლიტიკური გაერთიანება იქნება წარმოდგენილი.

არჩევნების შედეგების მიხედვით, მანდატები შემდეგნაირად გადანაწილდა:

  • „სამოქალაქო კონტრაქტი“ — 61 მანდატი;
  • ბლოკი „ძლიერი სომხეთი“ — 28 მანდატი;
  • ბლოკი „სომხეთი“ — 11 მანდატი;
  • პარტია „აყვავებული სომხეთი“ — 5 მანდატი.
3 ფოტო — დააჭირე გასადიდებლად

აღსანიშნავია, რომ „აყვავებულმა სომხეთმა“ ბოლო მომენტში შეძლო 4%-იანი საარჩევნო ბარიერის გადალახვა, რამაც პარტიას პარლამენტში მოხვედრის საშუალება მისცა.

კანონმდებლობით განსაზღვრული ოთხი ადგილი ეროვნული უმცირესობებისთვის შემდეგნაირად გადანაწილდა: სამი მანდატი მმართველმა პარტიამ „სამოქალაქო კონტრაქტმა“ მიიღო, ხოლო ერთი ადგილი ბლოკს „ძლიერი სომხეთი“ ერგო.

ამ შედეგებით, მმართველმა გუნდმა შეინარჩუნა პოლიტიკური უპირატესობა და საკანონმდებლო ორგანოში სტაბილური უმრავლესობა ჩამოაყალიბა.