საქართველოს პროკურატურის პროფესიული დღისადმი მიძღვნილი კვირეულის ფარგლებში, უწყების თანამშრომლებმა ქვეყნის სხვადასხვა რეგიონის საჯარო სკოლებში საინფორმაციო ხასიათის შეხვედრები გამართეს. ინიციატივის მთავარი მიზანი მოსწავლეებისთვის კიბერდანაშაულთან დაკავშირებული რისკების გაცნობა და ცნობიერების ამაღლება იყო.

შეხვედრები რეგიონებში

თელავის N-2 საჯარო სკოლაში მოსწავლეებს შეხვდნენ რაიონული პროკურორი ნანა გუგუტიშვილი, პროკურორი ვალერი გიორგაშვილი და გამომძიებელი მიხეილ გოგინაშვილი. მათთან ერთად, მსგავსი ღონისძიებები ჩატარდა ბორჯომის N-3 საჯარო სკოლასა და გორის მუნიციპალიტეტის სოფელ სკრის სკოლაში.

სამცხე-ჯავახეთის საოლქო პროკურატურის წარმომადგენლებმა — თამარ ზურაბაშვილმა, ელიზავეტა დურგლიშვილმა და გამომძიებელმა გიორგი გვარამაძემ, ბორჯომელ მოსწავლეებს კიბერუსაფრთხოების მნიშვნელობაზე ესაუბრნენ. შიდა ქართლისა და მცხეთა-მთიანეთის საოლქო პროკურატურის მხრიდან კი სოფელ სკრის მოსწავლეებს ინფორმაცია მიაწოდეს მიხეილ ბერიაშვილმა და ნინო ზურაბაშვილმა.

რა არის კიბერდანაშაული?

შეხვედრების დროს პროკურორებმა მოსწავლეებს დეტალურად განუმარტეს, თუ რა იგულისხმება კიბერდანაშაულისა და კიბერშეტევის ცნებებში. ყურადღება გამახვილდა იმ კონკრეტულ ქმედებებზე, რომლებიც საქართველოს კანონმდებლობით დანაშაულად მიიჩნევა.

პროკურატურის წარმომადგენლებმა მოსწავლეებს დეტალურად აუხსნეს კიბერდანაშაულთან მიმართებით კანონით გათვალისწინებული სასჯელები.

დისკუსია ინტერაქციულ რეჟიმში წარიმართა. მოსწავლეებმა დასვეს მათთვის საინტერესო შეკითხვები და მიიღეს ამომწურავი პასუხები პრაქტიკულ მაგალითებზე დაყრდნობით. მსგავსი საინფორმაციო კამპანიები საქართველოს პროკურატურის მიერ ქვეყნის მასშტაბით აქტიურად მიმდინარეობს.