2026 წლის მსოფლიო ჩემპიონატის სასტარტო ტურში სენეგალის ნაკრები საფრანგეთის ძლიერ გუნდს დაუპირისპირდა. დიდიე დეშამის შეგირდებმა მეტოქეს 3:1 სძლიეს. მატჩის მთავარი გმირი კილიან მბაპე გახდა, რომელმაც დუბლი შეასრულა, ხოლო კიდევ ერთი გოლი ბარკოლას ანგარიშზეა.

სენეგალის მხრიდან ერთადერთი საპასუხო გოლი 18 წლის მბაიემ გაიტანა, რომელიც ლუის ენრიკეს ხელმძღვანელობით პსჟ-ში თამაშობს. მიუხედავად იმისა, რომ სენეგალელებმა ბრძოლა გასწიეს, ფრანგების გამოცდილებამ საბოლოოდ თავისი შედეგი გამოიღო.

მატჩის დასრულების შემდეგ სენეგალის ნაკრების მეკარემ, ედუარ მენდიმ, მარცხის მიზეზებზე ისაუბრა და აღნიშნა, რომ გუნდმა სათამაშო გეგმა ვერ შეასრულა. მისი თქმით, მეორე ტაიმში თამაშის ხარისხის გაუმჯობესება და შეტევაში უფრო ეფექტურობა იყო საჭირო.

„ასეთ გუნდებთან თამაშისას თითოეულ ეპიზოდში მაქსიმალურად ყურადღებიანი უნდა იყო და შემთხვევითობისთვის ადგილი არ დატოვო, რადგან უმაღლესი დონის ფეხბურთელებს ეთამაშები“, - განაცხადა მენდიმ.

მეკარის თქმით, საფრანგეთთან მატჩი უკვე წარსულს ჩაბარდა და გუნდი ფოკუსირებულია მომდევნო შეხვედრაზე. სენეგალი ჯგუფური ეტაპის მეორე ტურში ნორვეგიას დაუპირისპირდება. მატჩი 23 ივნისს, თბილისის დროით 04:00 საათზე გაიმართება.