NBA-ს სატრანსფერო ბაზარზე მთავარი ინტრიგა 41 წლის ლებრონ ჯეიმსის გარშემო ტრიალებს. CBS Sports-ის ჟურნალისტი სემ კინი ავრცელებს ინფორმაციას, რომ „მეფემ“ შესაძლოა კარიერა „სან ანტონიო სპურსში“ გააგრძელოს.

რატომ სან ანტონიო?

კინის თქმით, ლებრონ ჯეიმსსა და „სპურსის“ ლეგენდარულ მწვრთნელს, გრეგ პოპოვიჩს შორის ჩამოყალიბებული მყარი ურთიერთობა ერთ-ერთი გადამწყვეტი ფაქტორია. თუ ჯეიმსს კარიერის დასკვნით ეტაპზე ტიტულის მოგება სურს, „სპურსი“ მისთვის იდეალური მიმართულებაა.

„სპორტული თვალსაზრისით, ამ გადაწყვეტილებას არაფერი დაეწუნება. ლებრონს ყოველთვის მოაქვს შედეგი და მას შეუძლია ნებისმიერი გუნდის თამაში ახალ დონეზე აიყვანოს“, - აღნიშნავს ჟურნალისტი.

ვემბანიამა და ჯეიმსი: ახალი დუეტი?

ტრანსფერის შემთხვევაში, კალათბურთის ისტორიაში ერთ-ერთი ყველაზე შთამბეჭდავი დუეტი შედგება. ლებრონი ლიგის ამომავალ ვარსკვლავ ვიქტორ ვემბანიამასთან ერთად ითამაშებს. „სპურსს“ ფინანსურად სრულად აქვს შესაძლებლობა, ჯეიმსის კონტრაქტის პირობები დააკმაყოფილოს.

შეგახსენებთ, რომ ლებრონი თავისუფალი აგენტი ხდება. „ლეიკერსი“ ახალი ხელშეკრულების გაფორმებას განიხილავს, თუმცა კლუბის სტრატეგია იცვლება. გუნდის მომავალი ოსტინ რივზისა და ლუკა დონჩიჩის გარშემო შენდება.

სტატისტიკური მაჩვენებლები

მიუხედავად ასაკისა, ლებრონ ჯეიმსი კვლავ მაღალ დონეზე თამაშობს. გასულ სეზონში მისმა მონაგარმა საშუალოდ შეადგინა:

  • 20.9 ქულა
  • 6.1 მოხსნა
  • 7.2 შედეგიანი გადაცემა

ჯეიმსმა 60 მატჩი ჩაატარა და თამაშიდან 51.5%-იანი სიზუსტით ისროდა, რაც მისი პროფესიონალიზმისა და ფიზიკური კონდიციების საუკეთესო დადასტურებაა.