UFC White House-ის ტურნირი დასრულდა. მიუხედავად იმისა, რომ ოფიციალური ჰონორარები გასაჯაროებული არ არის, ცნობილი გახდა ორგანიზაციის სარეკლამო სახელმძღვანელოების შესაბამისობის (Promotional Guidelines Compliance) ანაზღაურების დეტალები.
აღნიშნული თანხა მებრძოლებს კვირის განმავლობაში ნაკისრი ვალდებულებების შესრულებისთვის ეძლევათ. ეს მოიცავს სპონსორების ეკიპირების ტარებას, პრესკონფერენციებსა და ინტერვიუებში მონაწილეობას.
ანაზღაურება იერარქიულ სისტემას ეფუძნება და დამოკიდებულია იმაზე, თუ რამდენი ბრძოლა აქვს ჩატარებული სპორტსმენს ორგანიზაციაში. ანაზღაურება 4 000 დოლარიდან იწყება და 42 000 დოლარამდე ადის, რაც მოქმედი ჩემპიონისთვისაა გათვალისწინებული.
ვინ გამოიმუშავა ყველაზე ნაკლები?
| Number of Fights | Payout |
| 1-3 | $4,000 |
| 4-5 | $4,500 |
| 6-10 | $6,000 |
| 11-15 | $11,000 |
| 16-20 | $16,000 |
| 21+ | $21,000 |
| Challenger | $32,000 |
| Champion | $42,000 |
ამ ტურნირზე ყველაზე დაბალი სარეკლამო ანაზღაურება ჯოშ ჰოკიტს შეხვდა, რომელმაც UFC-ში სულ ოთხი ბრძოლა ჩაატარა. სიის სათავეში ილია თოფურიაა, როგორც მოქმედი ჩემპიონი.
არასაპიონო ბრძოლებში მონაწილეთა შორის ლიდერი დერიკ ლუისია. მან კარიერაში 32-ჯერ იბრძოლა, რაც ორჯერ მეტია შონ ომალის 16 ბრძოლაზე. ჰოკიტისა და ლუისის დაპირისპირება გამოირჩეოდა გამოცდილების უდიდესი სხვაობით — ლუისს ჰოკიტზე 28 ბრძოლით მეტი აქვს ჩატარებული.
ბონუსები კრიპტოვალუტაში
| Fighter | Number of Fights | White House Compliance Pay |
| Ilia Topuria | 10 (Champion) | $42,000 |
| Justin Gaethje | 16 (Challenger) | $32,000 |
| Ciryl Gane | 14 (Challenger) | $32,000 |
| Alex Pereira | 13 (Challenger) | $32,000 |
| Derrick Lewis | 32 | $21,000 |
| Sean O’Malley | 16 | $16,000 |
| Steve Garcia | 11 | $11,000 |
| Aiemann Zahabi | 11 | $11,000 |
| Diego Lopes | 10 | $6,000 |
| Kyle Daukaus | 10 | $6,000 |
| Michael Chandler | 8 | $6,000 |
| Bo Nickal | 7 | $6,000 |
| Mauricio Ruffy | 6 | $6,000 |
| Josh Hokit | 4 | $4,500 |
ტურნირმა მებრძოლებისთვის შთამბეჭდავი ბონუსები მოიტანა. ჯასტინ გეიჯიმ და სირილ განმა 425 000-425 000 დოლარის ოდენობის ბონუსი დაიმსახურეს. საღამოს საუკეთესო ბრძოლისთვის გეიჯიმ და თოფურიამ თითოეულმა 400 000 დოლარი მიიღეს.
აღსანიშნავია, რომ ბონუსების ნაწილი აშშ დოლარში, ნაწილი კი კრიპტოვალუტაში (CRO და stablecoin) გაიცა. ეს შესაძლებელი გახდა World Liberty Financial-ისა და Crypto.com-ის სპონსორობით.
ილია თოფურიას ჰოსპიტალიზაცია
მთავარი ბრძოლის შემდეგ ილია თოფურია სასწრაფო წესით საავადმყოფოში გადაიყვანეს. დანა უაითის თქმით, მებრძოლს, სავარაუდოდ, თვალბუდის ძვლის მოტეხილობა აქვს. თოფურია პირველი მსუბუქი წონის ჩემპიონია 2016 წლის შემდეგ, რომელმაც ქამარი დაკარგა.
დისკუსია
0 კომენტარი
ჯერ კომენტარი არ არის — იყავი პირველი.