Nintendo-ს ჰიბრიდული კონსოლების მოყვარულთათვის ახალი შესაძლებლობა გაჩნდა. პლატფორმა Woot-მა Nintendo Switch 2-ზე სპეციალური აქცია გამოაცხადა, რომელიც მხოლოდ ახალ მომხმარებლებზე ვრცელდება.

მსურველებს, რომლებიც კონსოლს Woot-ის მეშვეობით შეიძენენ, შეუძლიათ 15-დოლარიანი ფასდაკლებით ისარგებლონ. ამისთვის საჭიროა შეკვეთის გაფორმებისას პრომო-კოდის — NEW15-ის გამოყენება. მიმდინარე ფასი 449.99 დოლარს შეადგენს, თუმცა აქცია ძალაში 19 ივნისამდე, ან მარაგების ამოწურვამდე იქნება.

მიუხედავად იმისა, რომ 15-დოლარიანი ფასდაკლება მცირეა, ის მნიშვნელოვანია იმ ფონზე, რაც სექტემბრიდან იგეგმება. კომპანიამ უკვე დააანონსა, რომ შემოდგომაზე Nintendo Switch 2-ის ღირებულება 499.99 დოლარამდე გაიზრდება. შესაბამისად, ნებისმიერი ფინანსური შეღავათი ამ ეტაპზე პოტენციური მყიდველებისთვის აქტუალურია.

რა უნდა ვიცოდეთ Switch 2-ის შესახებ

Nintendo Switch 2 აღჭურვილია 7.9-დიუმიანი LCD დისპლეითა და მაგნიტური Joy-Con 2 კონტროლერებით. კონსოლი სრულად თავსებადია პირველი თაობის თამაშების უმრავლესობასთან, რაც მას მიმზიდველს ხდის უკვე არსებული ბიბლიოთეკის მქონე მომხმარებლებისთვის.

სათამაშო სივრცეში უკვე ხელმისაწვდომია ექსკლუზიური სათაურები, მათ შორის Donkey Kong Bananza და Kirby Air Riders. Nintendo-მ ცოტა ხნის წინ გამართულ Direct პრეზენტაციაზე დაადასტურა, რომ 2026 და 2027 წლებში კონსოლისთვის არაერთი ახალი თამაში, მათ შორის რემეიქები და რემასტერები გამოვა.

განსაკუთრებული მოლოდინია The Legend of Zelda: Ocarina of Time-ის თანამედროვე ვერსიის მიმართ, რომელიც მიმდინარე წლის ბოლოს გამოვა. მიუხედავად იმისა, რომ კონსოლი ბაზარზე ერთ წელზე ცოტა მეტია, რაც გამოჩნდა, მისი სათამაშო კატალოგი სტაბილურად ფართოვდება.