თითქმის ორი ათწლეულის ლოდინის შემდეგ, ვიდეოთამაშების სამყაროს ერთ-ერთი ყველაზე ცნობილი პერსონაჟი, Spyro, მასშტაბური დაბრუნებისთვის ემზადება. დეველოპერულმა სტუდიამ Toys for Bob-მა, Microsoft-ის Activision-თან თანამშრომლობით, ოფიციალურად დაადასტურა ფრენჩაიზის ახალი ნაწილის, Spyro: A Realm Beyond-ის გამოშვება.

პროექტი, რომელიც გეიმინგ საზოგადოებაში უკვე დიდი ინტერესს იწვევს, 2027 წლის გაზაფხულზე გამოვა. ეს იქნება სრულიად ახალი თავგადასავალი, რომელიც მიზნად ისახავს სერიის ტრადიციული სულისკვეთების შენარჩუნებას და თანამედროვე ტექნოლოგიური სტანდარტების დანერგვას.

სიახლეები გეიმფლეიში

მთავარი სიახლე, რომელიც თაყვანისმცემლებს განსაკუთრებით აღაფრთოვანებთ, არის ფრენის მექანიკის სრული გადამუშავება. Spyro: A Realm Beyond იქნება ფრენჩაიზის პირველი თამაში, რომელიც მოთამაშეებს დრაკონის თავისუფალი ფრენის ფუნქციას სთავაზობს.

ეს ფუნქცია თამაშის სამყაროს შესწავლის სრულიად ახალ შესაძლებლობებს ხსნის. დეველოპერების განცხადებით, ეს არ იქნება მხოლოდ ვიზუალური ეფექტი, არამედ გეიმფლეის განუყოფელი ნაწილი, რომელიც მოთამაშეებს საშუალებას მისცემს, დამოუკიდებლად მართონ Spyro-ს მოძრაობა ჰაერში.

ნაცნობი ხმა და ახალი მოლოდინები

გულშემატკივრებისთვის სასიხარულოა ის ფაქტიც, რომ პროექტში მონაწილეობას მიიღებს ტომ კენი. ის კვლავ გაახმოვანებს იასამნისფერ დრაკონს, რაც თამაშს ნოსტალგიურ ელფერს შესძენს და პერსონაჟის ავთენტურობას შეინარჩუნებს.

მიუხედავად იმისა, რომ დეტალები სიუჟეტის შესახებ ჯერ კიდევ გასაიდუმლოებულია, ოფიციალური წყაროები მას „სრულიად ორიგინალურ თავგადასავალს“ უწოდებენ. თამაშის განვითარების პროცესში ჩართულია Toys for Bob, სტუდია, რომელსაც Spyro-ს სერიის აღდგენის დიდი გამოცდილება აქვს.

სათამაშო ინდუსტრიის ანალიტიკოსები აღნიშნავენ, რომ მსგავსი კლასიკური ფრენჩაიზების დაბრუნება თანამედროვე ტექნიკური შესაძლებლობებით ბაზარზე დიდ მოთხოვნას აჩენს. 2027 წლის გაზაფხული კი, როგორც ჩანს, საკმაოდ დატვირთული იქნება გეიმერებისთვის.