გარემოს ეროვნული სააგენტო 9-11 ივნისის ამინდის პროგნოზს ავრცელებს. უახლოეს დღეებში საქართველოში მაღალი ტემპერატურა შენარჩუნდება, თუმცა დროგამოშვებით ხანმოკლე წვიმასა და ელჭექს უნდა ველოდოთ, ზოგიერთ რაიონში კი სეტყვის ალბათობაც არსებობს.

დედაქალაქი და აღმოსავლეთ საქართველო

თბილისში, უახლოეს დღეებში, წვიმა ძირითადად საღამოსა და ღამის საათებშია მოსალოდნელი. ჰაერის ტემპერატურა დღის განმავლობაში +27, +29 გრადუსამდე მოიმატებს.

ქართლის რეგიონსა და კახეთში, ასევე, ნავარაუდებია ხანმოკლე წვიმა ელჭექით. ტემპერატურული მაჩვენებელი ქართლში +28, +30, ხოლო კახეთში +27, +29 გრადუსის ფარგლებში იქნება. აღმოსავლეთ საქართველოს მთიან რაიონებში ტემპერატურა +25, +27 გრადუსამდე მიაღწევს, სადაც სეტყვის შესაძლებლობაც არსებობს. მაღალმთიან დასახლებებში კი შედარებით გრილა — +17, +19 გრადუსი.

დასავლეთ საქართველო და სანაპირო ზოლი

3 ფოტო — დააჭირე გასადიდებლად

დასავლეთ საქართველოს დაბლობ რაიონებში 9-10 ივნისი შედარებით მშვიდი იქნება, თუმცა 11 ივნისიდან ნალექების ინტენსივობა მოიმატებს. ზესტაფონში, ქუთაისში, სამტრედიაში, ზუგდიდში, მარტვილსა და ოზურგეთში ჰაერი დღისით +28, +30 გრადუსამდე გათბება.

სანაპირო კურორტებზე, მათ შორის ბათუმსა და ქობულეთში, 9-10 ივნისს უმეტესად უნალექო ამინდი იქნება, 11 ივნისს კი წვიმაა მოსალოდნელი. ზღვისპირეთში დღის ტემპერატურა +25, +27 გრადუსი იქნება.

მთიან და მაღალმთიან რაიონებში, როგორიცაა ამბროლაური, მესტია თუ ბახმარო, ასევე მოსალოდნელია ხანმოკლე წვიმა და ელჭექი. მთიან ზონებში ტემპერატურა +26, +28, ხოლო მაღალმთიან რაიონებში +21, +23 გრადუსი დაფიქსირდება.