თბილისის საერთაშორისო აეროპორტში ჩატარებული სპეცოპერაციის შედეგად, სამართალდამცველებმა პირი დააკავეს, რომელსაც აშშ-ის ფედერალური საგამოძიებო ბიურო (FBI) საერთაშორისო დონეზე ეძებდა. ინფორმაციას საქართველოს შინაგან საქმეთა სამინისტრო ავრცელებს.

დაკავებულს ბრალად ედება დანაშაულებრივ საქმიანობაში ხელშეწყობა, კრიმინალურ შეთანხმებებში მონაწილეობა და ფულის გათეთრება. ოპერაცია საქართველოს შსს-ს ცენტრალური კრიმინალური პოლიციის დეპარტამენტისა და გენერალური პროკურატურის კოორდინაციით განხორციელდა.

უწყების ცნობით, აღნიშნული დაკავება საქართველოსა და ამერიკის შეერთებული შტატების სამართალდამცავ სტრუქტურებს შორის გაფორმებული თანამშრომლობის შეთანხმების ფარგლებში მოხდა. მხარეები საერთაშორისო დანაშაულთან ბრძოლის მიზნით ოპერატიულ კავშირზე იმყოფებოდნენ.

საქართველოს ხელისუფლებას დაკავებულის ვინაობა, მოქალაქეობა და საქმის სხვა დეტალები ამ ეტაპზე საჯაროდ არ გაუსაჯაროებია. გავრცელებულ კადრებში ჩანს, რომ დაკავებული ახალგაზრდა ქალია.

3 ფოტო — დააჭირე გასადიდებლად

შინაგან საქმეთა სამინისტროს ინფორმაციით, დაკავებულის მიმართ უკვე დაწყებულია ექსტრადიციის პროცედურები. ეს ნიშნავს, რომ უახლოეს პერიოდში გადაწყდება მისი აშშ-ის მართლმსაჯულებისთვის გადაცემის საკითხი.