საბერძნეთში, კუნძულ ევიაზე სეისმური მდგომარეობა კვლავ დაძაბულია. კვირას მომხდარმა მიწისძვრათა სერიამ მნიშვნელოვანი ზიანი მიაყენა კუნძულის ინფრასტრუქტურას. დაზიანებულია საცხოვრებელი სახლები და ჩაკეტილია საავტომობილო გზების ნაწილი.

პირველი ბიძგი ადგილობრივი დროით 12:58 საათზე დაფიქსირდა. სეისმოლოგების ცნობით, მიწისძვრის სიმძლავრემ 4.8 მაგნიტუდა შეადგინა. ბიძგების კერა დაახლოებით 5 კილომეტრის სიღრმეში მდებარეობდა, რამაც სტიქია ადგილობრივი მოსახლეობისთვის განსაკუთრებით მძაფრად შესამჩნევი გახადა.

სულ რაღაც ათ წუთში, რეგიონში კიდევ ერთი, უფრო ძლიერი მიწისძვრა მოხდა. ამჯერად სიმძლავრემ 5.2 მაგნიტუდას მიაღწია. ეპიცენტრი ქალაქ პროკოპიდან სამხრეთ-აღმოსავლეთით, 2 კილომეტრის მოშორებით იყო, ხოლო სიღრმე კვლავ 5 კილომეტრით განისაზღვრა.

3 ფოტო — დააჭირე გასადიდებლად

სტიქიის ეპიცენტრში მოექცა პროკოპისა და დაფნუსის რაიონები. მეწყრულმა პროცესებმა გზები ჩახერგა, რაც სამაშველო სამსახურები კი ამ დრომდე აფასებენ ნგრევის მასშტაბებს. საბედნიეროდ, ამ ეტაპზე დაშავებულთა შესახებ ოფიციალური ინფორმაცია არ ვრცელდება.

მიწისქვეშა ბიძგები იმდენად ძლიერი იყო, რომ მათი სიმძლავრე დედაქალაქ ათენში და მის შემოგარენში მცხოვრებმა ადამიანებმაც იგრძნეს. ამ დროისთვის საბერძნეთის ხელისუფლების წარმომადგენლები სეისმურ მონიტორინგს უწყვეტ რეჟიმში აწარმოებენ.

სპეციალისტები მოუწოდებენ მოსახლეობას სიფრთხილისკენ, ვიდრე დაზიანებული ინფრასტრუქტურის მდგომარეობა სრულად არ შეფასდება. მთავრობა მუშაობს დაზიანებული გზების გაწმენდასა და უსაფრთხოების ზომების გაძლიერებაზე.