აშშ-ის პრეზიდენტი დონალდ ტრამპი უკრაინაში მიმდინარე ომის დასრულების მიმართულებით ახალ ნაბიჯებს აანონსებს. საფრანგეთში, G7-ის სამიტის ფარგლებში, ემანუელ მაკრონთან შეხვედრისას ტრამპმა განაცხადა, რომ ვოლოდიმირ ზელენსკისთან და ვლადიმირ პუტინთან გამართული საუბრების შემდეგ, კონფლიქტის მოგვარების შესაძლებლობას ხედავს.

3 ფოტო — დააჭირე გასადიდებლად

ტრამპის თქმით, კვირას მას ორივე ლიდერთან „ძალიან კარგი“ საუბარი ჰქონდა. ამერიკის პრეზიდენტი მიიჩნევს, რომ როგორც კიევში, ისე მოსკოვში, არსებობს მზადყოფნა დიალოგისთვის, რაც ომის დასრულების რეალურ შანსს აჩენს.

„ვხედავ, რომ შესაძლოა ამ მიმართულებით რაღაც გავაკეთოთ. ნამდვილად ასე ვფიქრობ და მჯერა, რომ ორივე მხარე ამისთვის ღიაა“, - აღნიშნა ტრამპმა.

თეთრი სახლის ლიდერმა ხაზი გაუსვა ომის მძიმე შედეგებს და ადამიანურ დანაკარგებზე გაამახვილა ყურადღება. მისი განცხადებით, ყოველთვიურად დაახლოებით 25 ათასი ადამიანი იღუპება, რაც დაუშვებელია და სწორედ ეს ფაქტორი აიძულებს მას, საკითხს პრიორიტეტული მნიშვნელობა მიანიჭოს.

ტრამპი აცხადებს, რომ მისი ადმინისტრაცია უახლოეს პერიოდში კონცენტრირებული იქნება ომის შეწყვეტის გზების ძიებაზე. აშშ-ის პრეზიდენტი გეგმავს, დეტალურად შეისწავლოს, თუ რა ფორმით არის შესაძლებელი კონფლიქტის დეესკალაცია და მხარეებს შორის შეთანხმების მიღწევა.