ისლამ მახაჩევმა UFC-ის მოახლოებული ტურნირის მიმართ მოლოდინებზე ისაუბრა. მიუხედავად იმისა, რომ ღონისძიების მთავარი მოვლენა ილია თოფურიასა და ჯასტინ გეიჯის გამაერთიანებელი ბრძოლაა, დაღესტნელი ჩემპიონი ყურადღებას სხვა დაპირისპირებაზე ამახვილებს.

მახაჩევის თქმით, მისთვის გაცილებით საინტერესო მძიმე წონაში დაგეგმილი თანამთავარი (co-main) ბრძოლაა, სადაც ალექს პერეირა და სირილ განი დროებითი საჩემპიონო ქამრისთვის იბრძოლებენ.

ტაქტიკური დაპირისპირება

„მე პერეირა-განის ბრძოლას უფრო დიდი ინტერესით ველოდები. სირილ განი ორმაგი ხასიათის მებრძოლია. თუ ის ფსიქოლოგიურად მზადაა და შიშის გარეშე იბრძვის, ძალიან სახიფათოა. ასეთ შემთხვევაში, მას შეუძლი, დისტანციიდან აჯობოს პერეირას, როგორც გამოცდილმა სტრაიკერმა“, - განაცხადა მახაჩევმა ადამ ზუბაირაევთან ინტერვიუში.

ამასთან, მახაჩევი აღიარებს პერეირას კლასსაც. მისი თქმით, ბრაზილიელს ერთი ზუსტი დარტყმა ჰყოფნის ბრძოლის ნებისმიერ წამს დასასრულებლად. სწორედ ეს სტილისტური კონტრასტი ხდის მათ დაპირისპირებას მისთვის უფრო მიმზიდველს.

ილია თოფურიას გზა

ილია თოფურია, რომელიც ამჟამად მსუბუქ წონაში UFC-ის ტიტულს ფლობს, თეთრ სახლთან დაგეგმილ ტურნირზე ჯასტინ გეიჯისთან გამაერთიანებელ ბრძოლას გამართავს. გამარჯვების შემთხვევაში, თოფურია შესაძლოა წონით კატეგორიაში ავიდეს, რაც მას ისლამ მახაჩევთან პოტენციური დაპირისპირების გზას გაუხსნის.

თავად მახაჩევი ოქტაგონზე დაბრუნებას 15 აგვისტოს გეგმავს. UFC 330-ზე, რომელიც ფილადელფიაში გაიმართება, მისი სავარაუდო მეტოქე დივიზიონის პირველი ნომერი იენ მაჩადო გარი იქნება.