სტატისტიკურმა პლატფორმა Opta-მ პრემიერ ლიგის 2025-26 წლების სეზონის სიმბოლური ნაკრები გამოაქვეყნა. გუნდი შედგენილია სეზონის განმავლობაში დაგროვილი ციფრული მონაცემების საფუძველზე, რაც მოთამაშეთა ინდივიდუალურ წვლილს სრულად ასახავს.

მეკარე და დაცვა

კარის ხაზზე Opta-მ „არსენალის“ მეკარე დევიდ რაია დაასახელა. მან სეზონის განმავლობაში 19 „მშრალი“ მატჩი ჩაატარა, რაც „მეთოფეების“ ისტორიაში საუკეთესო მაჩვენებელია. დაცვის ხაზში დომინირებენ გაბრიელი და უილიამ სალიბა. გაბრიელი ამ სეზონში არა მხოლოდ დაცვაში იყო საიმედო, არამედ 7 შედეგიანი მოქმედებითაც (3 გოლი, 4 საგოლე გადაცემა) გამოიჩინა თავი.

ფლანგებზე მათ შეუერთდნენ „სიტიდან“ მატეუს ნუნეში, რომელმაც საგოლე გადაცემების და პასების სიზუსტით დაამყარა რეკორდები, და „ბორნმუთის“ მცველი ადრიენ ტრიუფერი. ფრანგი მცველი ერთადერთი მოთამაშე იყო, რომელმაც სეზონის ყველა მატჩში სასტარტო შემადგენლობაში დაიწყო თამაში.

ნახევარდაცვა და შეტევა

ნახევარდაცვაში „არსენალის“ ლიდერი დეკლან რაისი და „ნოტინგემ ფორესტის“ შრომისმოყვარე ელიოტ ანდერსონი მოხვდნენ. ანდერსონმა სეზონში ყველაზე მეტი ორთაბრძოლა მოიგო და პრესინგის კუთხით საუკეთესო მაჩვენებლები დააფიქსირა.

შემოქმედებით ნაწილში „ლივერპულის“ დომინიკ სობოსლაი და „მანჩესტერ სიტის“ დებიუტანტი რაიან ჩერკი გამოირჩევიან. ჩერკიმ თავის სადებიუტო სეზონში 12 საგოლე გადაცემა მიითვალა, რაც პრემიერ ლიგის ისტორიაში ერთ-ერთი საუკეთესო მაჩვენებელია.

შეტევის წინა ხაზზე, რა თქმა უნდა, ერლინგ ჰოლანდია. „სიტიმ“ ჰოლანდია 27 გოლით კვლავ „ოქროს ბუცის“ მფლობელი გახდა. თუმცა, სეზონის მთავარი ვარსკვლავი ბრუნო ფერნანდეშია, რომელმაც 21 საგოლე გადაცემით ახალი პრემიერ ლიგის რეკორდი დაამყარა.