შონ ომალი UFC-ის სატიტულო რბოლას დაუბრუნდა. ორგანიზაციის ყოფილმა ჩემპიონმა „UFC Freedom 250“-ის ფარგლებში გამართულ ბრძოლაში აიმან ზაჰაბი მეორე რაუნდში ტექნიკური ნოკაუტით (TKO) დაამარცხა.

ომალისთვის ეს გამარჯვება კრიტიკულად მნიშვნელოვანი იყო. წარმატება მას პეტრ იანთან სატიტულო რევანშის მიღების რეალურ შანსს უქმნის. მეორე მხრივ, კანადელი ზაჰაბი ოქტაგონზე შვიდბრძოლიანი მოგებათა სერიით გამოვიდა და თავადაც სატიტულო ამბიციებით იყო განმსჭვალული, თუმცა ამჯერად დამარცხდა.

ბრძოლის დასაწყისში ორივე სპორტსმენი დისტანციის დაცვას ცდილობდა. ომალი მოწინააღმდეგის მოძრაობას აკვირდებოდა და წინ მიიწევდა, ზაჰაბი კი ძირითადად უკან იხევდა და დაბალ დარტყმებს იყენებდა. რაუნდის მიწურულს ომალიმ რამდენიმე ზუსტი დარტყმა მიაყენა მეტოქეს.

მეორე რაუნდში ზაჰაბი კვლავ აქტიურად იყენებდა ფეხით დარტყმებს, თუმცა ომალის დისტანციის შემცირების მცდელობები თავიდან ნაკლებად შედეგიანი იყო. ბრძოლის შუაწელში ომალის ზუსტმა დარტყმამ ზაჰაბის ცხვირიდან სისხლდენა გამოიწვია.

გარდამტეხი მომენტი მოულოდნელად დადგა. ომალიმ მარცხენა ხელით ზუსტად გაარტყა მეტოქეს, რამაც ზაჰაბი იატაკზე დააგდო. კანადელმა წამოდგომა სცადა, თუმცა ომალის მომდევნო, მარჯვენა ხელის დარტყმამ ბრძოლა საბოლოოდ დაასრულა. მსაჯმა ტექნიკური ნოკაუტი დააფიქსირა.

UFC Freedom 250-ის მთავარ კარდზე სხვა მნიშვნელოვანი ბრძოლებიც გაიმართა, სადაც ილია თოფურიამ ჯასტინ გეიჯის დაუპირისპირდა, ხოლო ალექს პერეირამ სირილ განესთან გამართა შეხვედრა.