Google-მა Google Earth-ის ვებ-ვერსიაში საინტერესო განახლება დანერგა. პლატფორმას ფრენის სიმულატორი დაემატა, რომელიც მომხმარებლებს საშუალებას აძლევს, დედამიწის ზედაპირი განსხვავებული რაკურსით, კაბინიდან დაათვალიერონ. ფუნქცია ამ ეტაპზე ექსპერიმენტულ რეჟიმშია ხელმისაწვდომი.
სიმულატორის გასააქტიურებლად მომხმარებელმა Google Earth-ის მთავარ ეკრანზე „Explore Earth“ მენიუ უნდა გახსნას. ხელსაწყოების პანელიდან (Tools) „Flight simulator“-ის არჩევის შემდეგ, ფრენის პროცესი ავტომატურად იწყება.
აღსანიშნავია, რომ სიმულატორი განკუთვნილია არა პროფესიონალური საავიაციო წვრთნებისთვის, არამედ გასართობი მიზნებისთვის. ფრენის ფიზიკა გამარტივებულია, რაც მომხმარებელს საშუალებას აძლევს, მარტივად დაათვალიეროს 3D შენობები და მაღალი რეზოლუციის ფოტოები, რომლებიც ფრენის პარალელურად, დინამიურად იტვირთება.
გამოყენების პირობები და შეზღუდვები
იმისათვის, რომ სიმულატორმა გამართულად იმუშაოს, საჭიროა სტაბილური ინტერნეტკავშირი. ვინაიდან მაღალი რეზოლუციის რელიეფური მონაცემები რეალურ დროში იტვირთება, დაბალი სიჩქარის კავშირის ან ძალიან მაღალი სიჩქარით ფრენის შემთხვევაში შესაძლოა მცირე შეფერხებები შეინიშნოს.
სიმულატორი ხელმისაწვდომია მხოლოდ ბრაუზერის ვერსიაში. ფრენის დროს სისტემა ავტომატურად ბლოკავს რუკის სტანდარტულ მალსახმობებს, რათა თავიდან იქნას აცილებული კონფლიქტი მართვის ღილაკებთან. თუ თქვენი თვითმფრინავი მიწას შეეჯახა, სიმულაცია ავტომატურად ჩერდება. ამ შემთხვევაში, „You crashed! Restart“-ის ღილაკზე დაჭერით, შეგიძლიათ ფრენა უსაფრთხო სიმაღლიდან განაახლოთ.
ტექნიკური დეტალები და ნიუანსები
| Action | Keyboard control | Description |
|---|---|---|
| Increase thrust | Page up or click on-screen indicator | Accelerates the aircraft's engine speed |
| Decrease thrust | Page down or click on-screen indicator | Decelerates the aircraft's engine speed |
| Pitch down (dive) | Up arrow | Directs the nose of the plane downward to decrease altitude |
| Pitch up (climb) | Up arrow | Directs the nose of the plane upward to gain altitude |
| Roll left (bank) | Left arrow | Banks the aircraft to the left |
| Roll right (bank) | Right arrow | Banks the aircraft to the right |
| Toggle mouse controls | Click inside simulation | Alternates between mouse-guided flight controls and keyboard controls |
Google-ი აფრთხილებს მომხმარებლებს გარკვეული ტექნიკური შეზღუდვების შესახებ. მაგალითად, ზღვის დონის ქვემოთ მდებარე ტერიტორიებზე, როგორიცაა კალიფორნიის „Badwater Basin“, შესაძლოა ადგილი ჰქონდეს რელიეფის ვიზუალურ ანომალიებს ან გამოსახულების ციმციმს. სიმულატორიდან გამოსასვლელად საკმარისია ზედა მარცხენა კუთხეში არსებულ უკან დაბრუნების ისარს დააჭიროთ, რაც მომხმარებელს Google Earth-ის სტანდარტულ რეჟიმში დააბრუნებს.
დისკუსია
0 კომენტარი
ჯერ კომენტარი არ არის — იყავი პირველი.