„მანჩესტერ სიტის“ მცველმა, რუბენ დიაშმა, საკუთარ ინსტაგრამზე გაავრცელა განცხადება, რომლითაც დაადასტურა, რომ მისი და ტელეწამყვან მაია ჯამას სასიყვარულო ურთიერთობა დასრულდა. ფეხბურთელმა მკაცრად უარყო გავრცელებული ჭორები ღალატის შესახებ.

დიაშის თქმით, ჭორების გავრცელებამ იმდენად მასშტაბური სახე მიიღო, რომ ეს მის ოჯახზეც აისახა. ფეხბურთელი აცხადებს, რომ „წითელი ხაზი“ მაშინ გადაიკვეთა, როდესაც მისმა 85 წლის პაპამ პირადად ჰკითხა, უღალატა თუ არა პარტნიორს, რადგან ეს ინფორმაცია მედიაში არაერთხელ ნახა.

„როდესაც ჩემი 85 წლის პაპა მეკითხება, ვუღალატე თუ არა შეყვარებულს, რადგან ეს მუდმივად ახალ ამბებშია, სწორედ აქ ვავლებ ზღვარს იმას შორის, რაც მისაღებია და რაც – არა“, - წერს დიაში. მან ხაზგასმით აღნიშნა, რომ მაიასთან ურთიერთობა ყოველთვის ურთიერთპატივისცემაზე იყო აგებული.

წყვილის დაშორების შესახებ ვარაუდები მას შემდეგ გაჩნდა, რაც მაისის შუა რიცხვებში მათ სოციალური ქსელებიდან ერთმანეთის საერთო ფოტოები წაშალეს. 29 წლის ფეხბურთელი აღნიშნავს, რომ მიუხედავად იმისა, რომ პირად ცხოვრებაზე კომენტარს იშვიათად აკეთებს, არასწორად მიაჩნია დუმილი, როდესაც მედია მხოლოდ „დაწკაპუნებების“ (clickbait) მიზნით ქმნის არასწორ წარმოდგენას.

Getty Images A composite image showing Maya Jama (left) wearing a black dress, and Ruben Dias (right) wearing a red football shirt.

„დაშორების მიზეზები პირადია, ჩვენ ორივემ ძალიან მოწიფულად მივიღეთ ეს გადაწყვეტილება. პატივი ეცით მე, პატივი ეცით მაიას და გაიაზრეთ, რომ ურთიერთობის დასრულებისთვის ყოველთვის არ არის აუცილებელი რომელიმე მხარის ღალატი“, - დასძინა დიაშმა.

მაია ჯამას, რომელიც „Love Island UK“-ის წამყვანია, აღნიშნულ საკითხზე საჯარო კომენტარი ჯერ არ გაუკეთებია. მისი წარმომადგენლები მედიის კითხვებს ამ ეტაპზე არ პასუხობენ.

შეგახსენებთ, რომ რუბენ დიაში და მაია ჯამა პირველად 2024 წლის ნოემბერში, „MTV“-ის მუსიკალური დაჯილდოების ცერემონიაზე შეხვდნენ მანჩესტერში. ურთიერთობა კი 2025 წლის აპრილში დაადასტურეს. დიაში „მანჩესტერ სიტის“ 2020 წლიდან შეუერთდა და გუნდთან ახალი კონტრაქტი 2029 წლამდე აქვს გაფორმებული.