ვენესუელური კრიმინალური დაჯგუფების, „ტრენ დე არაგუას“ ლიდერი ნინიო გერერო ამერიკელი სამხედროების მიერ ჩატარებული სპეციალური ოპერაციის შედეგად მოკლეს. აღნიშნული ინფორმაცია აშშ-ის პრეზიდენტმა დონალდ ტრამპმა გაავრცელა.

ტრამპის თქმით, ოპერაცია აშშ-ის სამხრეთ სარდლობის მიერ განხორციელდა. პრეზიდენტმა ოპერაციას „სწრაფი და სასიკვდილო კინეტიკური დარტყმა“ უწოდა.

3 ფოტო — დააჭირე გასადიდებლად

ნინიო გერერო, რომლის სრული სახელი ექტორ რასტენფორდ გერერო ფლორესია, მსოფლიოს ერთ-ერთი ყველაზე სისხლისმსმელი დაჯგუფების ხელმძღვანელი იყო. ოფიციალური ინფორმაციით, ლიკვიდაციის პროცესი ვენესუელის ხელისუფლებასთან კოორდინაციით წარიმართა, რასაც BBC-ის ცნობით, ვენესუელური მხარეც ადასტურებს.

დონალდ ტრამპის განცხადებით, ნარკოკარტელებთან ბრძოლა მისი საარჩევნო კამპანიის ერთ-ერთი მთავარი დაპირება იყო. მეორე საპრეზიდენტო ვადის დაწყებისთანავე, ტრამპმა „ტრენ დე არაგუა“ აშშ-ის ტერორისტული ორგანიზაციების ოფიციალურ სიაში შეიყვანა.

ამერიკული მხარის განცხადებით, ეს ნაბიჯი რეგიონული უსაფრთხოების განმტკიცებისა და ტრანსნაციონალური დანაშაულებრივი სინდიკატების წინააღმდეგ ბრძოლის ნაწილია.