აშშ-ის პრეზიდენტმა დონალდ ტრამპმა ვერსალის სასახლეში გამართულ საზეიმო ვახშამზე აშშ-სა და ირანს შორის ურთიერთგაგების მემორანდუმს მოაწერა ხელი. ინფორმაციას CNN ამერიკელ ოფიციალურ პირებზე დაყრდნობით ავრცელებს.

როგორც ცნობილი ხდება, დოკუმენტის ელექტრონული ვერსია პრეზიდენტმა და ვიცე-პრეზიდენტმა ჯეი დი ვენსმა მანამდე დაამოწმეს, თუმცა ვერსალში გაფორმებული დოკუმენტი მის ფიზიკურ, ოფიციალურ ვერსიას წარმოადგენს.

3 ფოტო — დააჭირე გასადიდებლად

საფრანგეთის პრეზიდენტ ემანუელ მაკრონის მასპინძლობით გამართულ ვახშამზე ტრამპმა აღნიშნა, რომ შეთანხმების მიღწევა მარტივი პროცესი არ ყოფილა. „ეს ადვილი არ იყო“, — განაცხადა მან ხელმოწერის ცერემონიისას.

ამერიკული მხარის ცნობით, დიპლომატიური პროცესი ამით არ სრულდება. პარასკევს დაგეგმილია ოფიციალური ხელმოწერის კიდევ ერთი ცერემონია, რომელშიც ვიცე-პრეზიდენტი ჯეი დი ვენსი მიიღებს მონაწილეობას.

შეგახსენებთ, რომ მოვლენა საფრანგეთში მიმდინარე მაღალი დონის ვიზიტების ფონზე ვითარდება, სადაც ვერსალის სასახლე დიპლომატიური შეხვედრების მთავარ ლოკაციად იქცა.