საქართველოს მინიფეხბურთის ნაკრებმა ბრატისლავაში მიმდინარე ევროპის ჩემპიონატზე კიდევ ერთი მნიშვნელოვანი ნაბიჯი გადადგა. ბესარიონ არველაძის გუნდმა მერვედფინალში პოლონეთის ნაკრებთან დაპირისპირება წარმატებით დაასრულა და ტურნირის მეოთხედფინალის საგზური მოიპოვა.

მატჩის ძირითადი დრო გარდამავალი უპირატესობით წარიმართა და ანგარიშით 1:1 დასრულდა. გამარჯვებულის გამოსავლენად დანიშნულ პენალტების სერიაში კი საქართველოს ნაკრებმა მეტოქეზე ზუსტად ითამაშა და 2:1 გაიმარჯვა.

2 ფოტო — დააჭირე გასადიდებლად

აღსანიშნავია, რომ ჩვენმა გუნდმა ჯგუფურ ეტაპზე საკმაოდ რთული გზა გაიარა. საქართველომ ინგლისთან 1:0 იმარჯვა, ესპანეთის წინააღმდეგ დაძაბული მატჩი ფრედ, 0:0 დაასრულა, ხოლო რუმინეთთან დამარცხების მიუხედავად (0:3), პლეი-ოფის ეტაპზე გასვლა მაინც მოახერხა.

ახლა ბესარიონ არველაძის გუნდისთვის მთავარი გამოწვევა წინაა. 2 ივნისს, ევროპის ჩემპიონატის მეოთხედფინალში, საქართველოს ნაკრები უკრაინის ძლიერ გუნდს დაუპირისპირდება. მატჩი ნახევარფინალისკენ მიმავალ გზაზე გადამწყვეტი იქნება.

გუნდის თითოეული წევრი სრული კონცენტრაციით ემზადება მომდევნო შეხვედრისთვის, რათა გულშემატკივრებს კიდევ ერთი წარმატებული თამაში აჩვენოს. ქართველი ქომაგები მოუთმენლად ელიან მეოთხედფინალურ დაპირისპირებას, რომელიც ევროპის ჩემპიონატის ერთ-ერთი ყველაზე დაძაბული მატჩი იქნება.