შავი ზღვის თავზე რუსული ავიაკომპანია Smartavia-ს თვითმფრინავმა კავშირი დაკარგა. გავრცელებული ინფორმაციით, ავიალაინერმა, რომელიც რეისს 5N164 ასრულებდა, განგაშის სიგნალი გადასცა, რის შემდეგაც ის რადარების ეკრანებიდან გაქრა.

ცნობილია, რომ თვითმფრინავი სოჭიდან არხანგელსკის მიმართულებით მიფრინავდა. ოფიციალური მონაცემებით, ბორტზე სულ 189 ადამიანი იმყოფებოდა, მათ შორის ეკიპაჟის წევრებიც.

რა ხდება ამ დროისთვის?

ინციდენტის შესახებ დამატებითი დეტალები ამ ეტაპზე არ ვრცელდება. რუსული მედიასაშუალებები ავრცელებენ ინფორმაციას, რომ თვითმფრინავის კვალი შავი ზღვის აკვატორიის თავზე დაიკარგა.

სამაშველო სამსახურების ან ოფიციალური უწყებების მხრიდან კომენტარი ჯერჯერობით არ გაკეთებულა. უცნობია, რა გახდა განგაშის სიგნალის გადაცემის მიზეზი და რა მდგომარეობაში იმყოფება ხომალდი.

საქმეში არსებული შეზღუდული ინფორმაციის გამო, ამ დროისთვის შეუძლებელია იმის თქმა, თუ რა ტექნიკური ან სხვა სახის პრობლემა შეექმნა ეკიპაჟს ფრენისას.