თბილისში, ჩუღურეთის რაიონში პოლიციამ დანით შეიარაღებული პირი დააკავა. შინაგან საქმეთა სამინისტროს ინფორმაციით, სამართალდამცველებმა პატრულირებისას შენიშნეს მამაკაცი, რომელიც მოქალაქეს ფიზიკურად უსწორდებოდა და მას ცივი იარაღით მისდევდა.

პატრულ-ინსპექტორებმა თავდამსხმელს დაუყოვნებლივ მოსთხოვეს დანაშაულებრივი ქმედების შეწყვეტა, თუმცა მამაკაცი მოთხოვნას არ დაემორჩილა. პირი სამართალდამცველების მიმართ აგრესიული გახდა და მათზე თავდასხმა განახორციელა.

შეტაკებისას თავდამსხმელმა ერთ-ერთ პატრულ-ინსპექტორს დანის გამოყენებით სხეულის დაზიანებები მიაყენა. ინციდენტის შემდეგ მან შემთხვევის ადგილიდან მიმალვა სცადა, თუმცა პოლიციამ დევნის შედეგად მისი დაკავება მალევე შეძლო.

3 ფოტო — დააჭირე გასადიდებლად

დაშავებული მოქალაქე და პოლიციელი კლინიკაში გადაიყვანეს. სამედიცინო დაწესებულებაში განაცხადეს, რომ მათ სიცოცხლეს საფრთხე არ ემუქრება. დანაშაულის ჩადენის იარაღი, დანა, სამართალდამცველებმა ნივთმტკიცებად ამოიღეს.

გამოძიება სისხლის სამახლის კოდექსის 19-108-ე (განზრახ მკვლელობის მცდელობა) და 353-ე პრიმა მუხლებით მიმდინარეობს, რაც პოლიციელზე თავდასხმას გულისხმობს. აღნიშნული დანაშაული 15 წლამდე ვადით თავისუფლების აღკვეთას ითვალისწინებს.