ისრაელ-საქართველოს ბიზნესპალატამ ორგანიზაციის 30-წლიანი მოღვაწეობის აღსანიშნად იერუსალიმში დაგეგმილი ბიზნესფორუმისთვის მზადება დაიწყო. პროცესის ფარგლებში, თბილისს ქნესეთის წევრი და საქართველოსთან მეგობრობის ჯგუფის წარმომადგენელი, დოქტორი აქრამ ჰასონი ეწვია.

ვიზიტის მიზანი ქართულ ბიზნესწრეებთან კომუნიკაცია და ორმხრივი კავშირების გაძლიერებაა. ჰასონი, რომელიც ისრაელის პოლიტიკურ ისტებლიშმენტში საქართველოს აქტიური მხარდამჭერია, შეხვედრებს გამართავს როგორც სახელმწიფო ინსტიტუტების ხელმძღვანელებთან, ისე ახალგაზრდა თაობის წარმომადგენლებთან.

ეკონომიკური ხიდი და გამოწვევები

ისრაელის სახლის ხელმძღვანელმა იციკ მოშემ ხაზი გაუსვა, რომ ბოლო 7 წელი რეგიონისთვის რთული იყო, თუმცა ბიზნესს თანამშრომლობის ახალი შესაძლებლობები სჭირდება. „საქართველო-ისრაელის ბიზნესპალატამ ორ ქვეყანას შორის უპრეცედენტო ეკონომიკური ხიდი შექმნა“, — აღნიშნავენ ისრაელის ყოფილი მინისტრები.

იერუსალიმში დაგეგმილ ფორუმს 300-მდე სტუმარი დაესწრება, მათ შორის მთავრობისა და ბიზნესსექტორის ლიდერები. მთავარი აქცენტი ისრაელიდან ინვესტიციების მოზიდვასა და ქართული კომპანიების ერთობლივ პროექტებზე გაკეთდება.

3 ფოტო — დააჭირე გასადიდებლად

Wyndham-ის როლი და ტურიზმის პოტენციალი

თვის ბოლომდე საქართველოში Wyndham-ის ხელმძღვანელობაც ჩამოდის. საერთაშორისო ბრენდების შემოსვლამ მნიშვნელოვნად გაზარდა ქვეყნის მიმზიდველობა როგორც ისრაელელი, ისე საერთაშორისო ინვესტორებისთვის. იციკ მოშეს თქმით, ისრაელიდან ტურისტების რაოდენობა შესაძლოა 500 ათასამდე გაიზარდოს, რაც ეკონომიკაში ასეულობით მილიონი დოლარის კონტრიბუციას ნიშნავს.

ბიზნესპალატა აქტიურად მუშაობს თავისუფალი ვაჭრობის შესახებ შეთანხმების დასრულებაზე. ამასთან, ინიციატივა „100 საპატიო კონსული“ მიზნად ისახავს ინვესტიციების წლიურ მაჩვენებელში მინიმუმ 2 მილიარდიან ზრდას.