აშშ-სა და ირანს შორის საომარი მოქმედებების შეწყვეტის შესახებ მიღწეულმა წინასწარი შეთანხმებამ ნავთობის ფასების სამთვიანი მინიმუმამდე ვარდნა გამოიწვია. ბაზარზე იმედი გაჩნდა, რომ ჰორმუზის სრუტე, რომელიც გლობალური ენერგეტიკული მარშრუტის მთავარი არტერიაა, მალე გაიხსნება.

თუმცა, ექსპერტები აფრთხილებენ მომხმარებლებს, რომ საწვავის ფასების საგრძნობი კლება მყისიერად არ მოხდება. მიუხედავად პრეზიდენტ დონალდ ტრამპის ოპტიმისტური პროგნოზისა, სრუტის გახსნა არ ნიშნავს ავტომატურ და სწრაფ გაიაფებას.

რატომ რჩება ფასები მაღალი?

ამერიკის საავტომობილო ასოციაციის (AAA) მონაცემებით, აშშ-ში ბენზინის საშუალო ფასი კვლავ 4 დოლარს აჭარბებს. ეს მაჩვენებელი მაისის დასაწყისში ფიქსირებულ 4.48-დოლარიან პიკს ჩამოსცდა, თუმცა ჯერ კიდევ შორსაა ომამდელი, 2.98-დოლარიანი ნიშნულისგან.

  • მიწოდების ჯაჭვის შეფერხება: ომის პერიოდში გლობალური ენერგეტიკული მარშრუტები ჩაიკეტა, რამაც ნავთობპროდუქტების დეფიციტი შექმნა.
  • პორტების გადატვირთულობა: 500-ზე მეტი გემი ჯერ კიდევ ელოდება გასასვლელს, რაც ნავთობის მიწოდების პროცესს კვირებით აჭიანურებს.
  • სტრატეგიული რეზერვები: აშშ-ის ნავთობის მარაგები 1983 წლის შემდეგ ყველაზე დაბალ ნიშნულზეა, მათი შევსება კი ბაზარზე დამატებით მოთხოვნას ქმნის.

მოცდის პერიოდი

ნავთობპროდუქტების ანალიტიკოსი პატრიკ დე ჰაანი აღნიშნავს, რომ მომხმარებლებმა საწვავის ომამდელი ფასები შესაძლოა მხოლოდ 2027 წელს იხილონ. ნავთობმწარმოებლები ფრთხილობენ და წარმოების სრული სიმძლავრით აღდგენას არ ჩქარობენ, სანამ ზავის მდგრადობაში დარწმუნებულნი არ იქნებიან.

ზაფხულის აქტიური სეზონი, გაზრდილი მოთხოვნა ავია საწვავზე და პორტებში არსებული ლოჯისტიკური პრობლემები ფასების კლების პროცესს სექტემბრამდე ან ოქტომბრამდე გაწელავს. გარდა ამისა, არსებობს საფრთხე, რომ საკვებ პროდუქტებზე გაზრდილი ფასები ახალ სტანდარტად იქცეს, რადგან საცალო მოვაჭრეები ხარჯების შემცირებას არ ჩქარობენ.