2026 წლის ფიფას მსოფლიო ჩემპიონატი, რომელსაც აშშ, კანადა და მექსიკა მასპინძლობენ, არაერთი სიახლით გამოირჩევა. ტურნირის ერთ-ერთი მთავარი ინოვაცია Adidas-ის ახალი ბურთი – Trionda-ა. ოთხი პანელისგან შემდგარი, ღრმა ღარებითა და მასპინძელი ქვეყნების სიმბოლოებით გაფორმებული ბურთი უკვე შეამოწმეს აეროდინამიკის სპეციალისტებმა.

პარდუსის უნივერსიტეტის პროფესორი და სპორტის ფიზიკის მკვლევარი ჯონ ერიკ გოფი აღნიშნავს, რომ Trionda-ს დიზაინი ფეხბურთელებისგან უფრო სუფთა ტექნიკას მოითხოვს. კვლევებმა, რომლებიც ცუკუბას უნივერსიტეტში აეროდინამიკურ მილებში ჩატარდა, აჩვენა, რომ ბურთი ფრენისას უფრო პროგნოზირებადია, თუმცა მისი ფრენის მაქსიმალური მანძილი შესაძლოა შემცირებული იყოს.

Researchers used a wind tunnel to study the Trionda ball at the University of Tsukuba.

Adidas-მა ბურთის დიზაინის ევოლუცია ჯერ კიდევ 2006 წელს, +Teamgeist-ის მოდელით დაიწყო, როდესაც ტრადიციული 32-პანელიანი სტრუქტურა თერმულად შეკრულმა ნაკლებმა პანელებმა ჩაანაცვლა. ეს ცვლილება ტენიანობის შეწოვის შესამცირებლად იყო საჭირო.

ბურთის აეროდინამიკაში გადამწყვეტი ფაქტორი ე.წ. „წინააღმდეგობის კრიზისია“. 2010 წლის Jabulani-ს კრიტიკა სწორედ მისმა ზედმეტად გლუვმა ზედაპირმა გამოიწვია, რამაც ბურთის არაპროგნოზირებადი ქცევა განაპირობა. გოფის განმარტებით, თანამედროვე ბურთებზე არსებული ღარები და ტექსტურა საჭიროა იმისთვის, რომ ჰაერის წინააღმდეგობის ცვლილება უფრო დაბალი სიჩქარის დროს მოხდეს.

Trionda-ს შემთხვევაში, ოთხი პანელი და დამატებითი ღარები მას უფრო უხეშ ზედაპირს სძენს. თუმცა, ამას თავისი ფასი აქვს: მაღალი სიჩქარით ფრენისას ბურთი უფრო მეტ წინააღმდეგობას განიცდის, ვიდრე მისი წინამორბედები. შედეგად, შორი დისტანციიდან დარტყმები შესაძლოა რამდენიმე მეტრით ნაკლები აღმოჩნდეს.

3 ფოტო — დააჭირე გასადიდებლად

მიუხედავად ამისა, ფეხბურთელებს უკვე ჰქონდათ დრო ახალ მოდელთან ადაპტაციისთვის. ტურნირის მონაწილეებს Trionda-ს დიზაინი Nike-ის Flight ბურთის მსგავსი ეჩვენებათ, რაც მათთვის ნაცნობი გამოცდილებაა.