საქართველოს ბანკი მცირე და საშუალო ბიზნესის (SME) ხელშეწყობას აქტიურად აგრძელებს. ბიზნეს 360˚-ის შეხვედრების სერიის ფარგლებში, გაიმართა ვორკშოპი თემაზე: „SME ლიდერობა: სწრაფი ნაბიჯებით, დიდ გზაზე“.

შეხვედრას საკონსულტაციო კომპანია EVA-ს დამფუძნებელი, სალომე არღვლიანი უძღვებოდა. ღონისძიების მთავარი მიზანი მეწარმეებისთვის ბიზნესის განვითარების სხვადასხვა ეტაპზე არსებული გამოწვევების დაძლევა და პრაქტიკული ცოდნის გაზიარება იყო.

ბიზნესის განვითარების 5 საფეხური

ვორკშოპის მონაწილეებმა დეტალურად განიხილეს ბიზნესის ზრდის ხუთი კრიტიკული საფეხური. თითოეული ეტაპი მოითხოვს მართვის განსხვავებულ მიდგომებსა და სტრატეგიულ გადაწყვეტილებებს.

3 ფოტო — დააჭირე გასადიდებლად

განხილვის ერთ-ერთი მთავარი თემა იყო ლიდერის როლი კომპანიის ზრდის ფაზებში. მეწარმეებმა იმსჯელეს, თუ როგორ უნდა აღმოაჩინოს და განავითაროს ლიდერმა საკუთარი ინდივიდუალური მოდელი, რათა ეფექტურად მართოს გუნდი.

თანამშრომელთა ჩართულობა და ლოიალობა

შეხვედრაზე განსაკუთრებული ყურადღება დაეთმო თანამედროვე მეთოდებს, რომლებიც გუნდის შიგნით ნდობისა და ლოიალობის გაძლიერებას ემსახურება. მონაწილეებმა განიხილეს ინსტრუმენტები, რომლებიც უზრუნველყოფს თანამშრომელთა მაღალ ჩართულობას, რაც პირდაპირ აისახება კომპანიის შედეგებზე.

ბიზნეს 360˚ საქართველოს ბანკის პლატფორმაა, რომელიც მეწარმეებს განვითარებისთვის საჭირო რესურსებს ერთ სივრცეში სთავაზობს. პლატფორმა აერთიანებს საგანმანათლებლო კურსებს, სექტორულ კვლევებსა და თემატურ ღონისძიებებს.

მსგავსი ტიპის ფინანსური თუ ტექნოლოგიური შეხვედრები მეწარმეებს ეხმარება ბიზნესის ზრდასა და ცოდნის გაღრმავებაში, რაც კრიტიკულად მნიშვნელოვანია მცირე და საშუალო ბიზნესის კონკურენტუნარიანობისთვის.