ბიტკოინი (BTC) 64 000 დოლარის ფარგლებში სტაბილიზდება. კვირის ბოლოს კრიპტოვალუტის ბაზარზე ოპტიმისტური განწყობა აშშ-სა და ირანს შორის დაანონსებულმა სამშვიდობო შეთანხმებამ განაპირობა.

TradingView-ის მონაცემებით, ბიტკოინის ფასმა Bitstamp-ის ბირჟაზე 64 750 დოლარს მიაღწია. ფასის ზრდას წინ უძღოდა აშშ-ის პრეზიდენტის, დონალდ ტრამპის განცხადება სოციალურ ქსელ Truth Social-ში.

პრეზიდენტმა დაადასტურა, რომ სამშვიდობო გარიგებას ხელი კვირას მოეწერება. მისივე თქმით, შეთანხმების ძალაში შესვლისთანავე ჰორმუზის სრუტე, რომელიც გლობალური ნავთობმომარაგების ერთ-ერთი მთავარი არტერია, „ყველასთვის ღია“ გახდება. გეოპოლიტიკური დაძაბულობის განმუხტვის მოლოდინმა კრიპტოვალუტის ბაზარზე გაყიდვების ზეწოლა შეამცირა.

ანალიტიკოსები აღნიშნავენ, რომ ბიტკოინის ფასი 200-კვირიანი მოძრავი საშუალოს (SMA) საყრდენს ინარჩუნებს, რაც ტექნიკური თვალსაზრისით პოზიტიური სიგნალია. ტრეიდერი SuperBro-ს შეფასებით, ბაზარზე ამჟამად არ შეინიშნება დათვის (bearish) პატერნები, რომლებიც ფასის მკვეთრ ვარდნას გამოიწვევდა.

ექსპერტების აზრით, 65 000-დან 67 000 დოლარამდე დიაპაზონი საკვანძო ტესტია. ამ ზონის გადალახვა „დათვის“ სცენარს მნიშვნელოვნად დააზიანებს და ბაზარზე მდგრად ზრდას შეუწყობს ხელს.

სავაჭრო პლატფორმა Cryptic Trades-ის ანალიზით, ბაზარზე საინტერესო კომბინაცია ფიქსირდება: ღია პოზიციების (open interest) ზრდა და დაფინანსების განაკვეთების (funding rates) შემცირება. ეს მიანიშნებს იმაზე, რომ ბაზარზე შესული მოთამაშეები არ არიან აგრესიული მყიდველები, არამედ „დათვები“ ცდილობენ პოზიციების გაძლიერებას, რაც, ისტორიულად, მოკლე პოზიციების მასიური ლიკვიდაციის (short squeeze) წინაპირობა ხდება.

CoinGlass-ის მონაცემები ადასტურებს, რომ ბიტკოინის ბოლო პიკები ემთხვევა პოტენციური მოკლე პოზიციების ლიკვიდაციის ზონებს. ბაზრის მონაწილეები ახლა მოუთმენლად ელიან კვირის დასკვნით შედეგებს, რაც ბიტკოინის მომდევნო კვირის ტენდენციას განსაზღვრავს.