ახმეტის მუნიციპალიტეტში, სოფელ ჩაჩხრიალაში, უბედური შემთხვევა მსხვერპლით დასრულდა. ტბაზე ბანაობისას არასრულწლოვანი მორევში მოჰყვა, რასაც მამა შეესწრო და შვილის გადასარჩენად წყალში შევიდა.

არსებული ინფორმაციით, მამაკაცმა შვილის უსაფრთხოდ ნაპირზე გაყვანა შეძლო, თუმცა თავად წყლის სტიქიასთან გამკლავება ვეღარ მოახერხა. სამაშველო ოპერაციის მიუხედავად, მამაკაცის გადარჩენა ვერ მოხერხდა.

3 ფოტო — დააჭირე გასადიდებლად

ამ დროისთვის არსებული მონაცემებით, არასრულწლოვანის სიცოცხლეს საფრთხე არ ემუქრება. ადგილზე მობილიზებული იყო შესაბამისი სამსახურები, რომლებიც მომხდარის დეტალებს იკვლევენ.

მომხდარი ტრაგედია კიდევ ერთხელ შეგვახსენებს წყალსატევებთან უსაფრთხოების წესების დაცვის აუცილებლობას, განსაკუთრებით მაშინ, როდესაც საქმე ეხება ბავშვების ბანაობას დაუცველ ან სარისკო ზონებში.