ირანის საგარეო საქმეთა მინისტრი აბას არაღჩი ოფიციალურ განცხადებას ავრცელებს, რომლითაც აშშ-ს რეგიონის დატოვებისკენ მოუწოდებს. თეირანის მკაცრი პოზიცია მას შემდეგ გახდა ცნობილი, რაც აშშ-ის ცენტრალურმა სარდლობამ ირანის წინააღმდეგ საპასუხო დარტყმები განახორციელა.

ამერიკული მხარის ქმედება, გავრცელებული ინფორმაციით, მათი ვერტმფრენის ჩამოგდებას მოჰყვა. არაღჩიმ სოციალურ ქსელში გამოქვეყნებულ მესიჯში ხაზგასმით აღნიშნა, რომ აშშ-ის ძალები ბრძოლის ველზე წარუმატებლობას განიცდიან.

„მიუხედავად იმისა, რომ ბრძოლის ველზე მარცხი განიცადა, შეერთებულმა შტატებმა გადაწყვიტა ჩვენი სიმტკიცე გამოეცადა,“ - წერს მინისტრი. მისი განცხადებით, ირანის შეიარაღებული ძალები სრულ მზადყოფნაში არიან და ნებისმიერ თავდასხმასა თუ მუქარას შესაბამისად უპასუხებენ.

3 ფოტო — დააჭირე გასადიდებლად

დიპლომატიური რიტორიკა საკმაოდ მწვავეა. არაღჩის თქმით, სპარსეთის ყურის ისტორია იმ გარე ძალების მაგალითებითაა სავსე, რომლებმაც რეგიონში შემოჭრისას მძიმე შედეგები მიიღეს. მინისტრი პირდაპირ აცხადებს, რომ უსაფრთხოების გარანტია რეგიონის დატოვებაა.

ვითარება ახლო აღმოსავლეთში კვლავ უკიდურესად დაძაბულია. მხარეთა შორის სამხედრო ესკალაცია რეგიონულ სტაბილურობას კითხვის ნიშნის ქვეშ აყენებს. ამ დროისთვის დამატებითი ინფორმაცია საპასუხო დარტყმების შედეგების შესახებ არ ვრცელდება.