ევროპული ენერგეტიკული გაერთიანება ყოველწლიურ ანგარიშს აქვეყნებს, სადაც საქართველოს ენერგეტიკული სექტორი ხუთი კრიტერიუმით არის შეფასებული: ბაზრები, ენერგოუსაფრთხოება, დეკარბონიზაცია, გარემოს დაცვა და ინსტიტუციური შესაძლებლობები. 2025 წლის მონაცემებით, ქვეყნის შედეგები შერეულია.

ყველაზე მაღალი მაჩვენებელი, 96%, გაზის სფეროში დაფიქსირდა. საქართველომ 2024 წლის ოქტომბერში მიიღო სახელმწიფო დადგენილება კრიზისული სიტუაციების მართვის შესახებ, რაც ევროპულ სტანდარტებთან შესაბამისობაშია. ენერგოუსაფრთხოების კუთხით ქვეყანა 77%-ით ფასდება, რაც პრიორიტეტულ მიმართულებად რჩება.

ენერგოეფექტურობა და სამშენებლო სექტორი

ენერგოეფექტურობის სფეროში საქართველომ 66%-იანი შეფასება მიიღო, რაც ყველაზე გამართულ პროგრესს ასახავს. 2024 წელს განხორციელებულმა ცვლილებებმა შენობების ენერგოეფექტურობის კანონმდებლობაში ევროპული პაკეტის ძირითადი ელემენტები დაამკვიდრა. ეს კრიტიკულად მნიშვნელოვანია, რადგან სამშენებლო სექტორი ქვეყანაში საბოლოო ენერგომოხმარების 44%-ს შეადგენს.

ამ დროისთვის უკვე ამოქმედდა შენობების ენერგოეფექტურობის სერტიფიკატებისა და ინსპექციის ანგარიშების რეესტრი. გარდა ამისა, 2025 წლის ბოლოდან საჯარო შენობების რეკონსტრუქციის წლიური სამიზნე 1%-დან 3%-მდე იზრდება.

განახლებადი ენერგია და ბაზრის გამოწვევები

განახლებადი ენერგიის კუთხით ქვეყანა 47%-ით ფასდება. 2024 წლის ბოლოსთვის საქართველოში განახლებადი ენერგიის ჯამურმა სიმძლავრემ 3,481 მეგავატი შეადგინა, სადაც დომინანტური როლი ჰიდროელექტროსადგურებს უკავიათ. საქართველო ასევე იყო პირველი ქვეყანა გაერთიანებაში, რომელმაც განახლებადი ენერგიის წარმომავლობის გარანტიების ელექტრონული რეესტრი აამოქმედა.

ყველაზე დაბალი მაჩვენებელი, 31%, ბაზრების ინტეგრაციას უკავშირდება. ეს მიუთითებს, რომ ქართული ელექტროენერგეტიკული ბაზარი ჯერ კიდევ საჭიროებს დაახლოებას გამჭვირვალე და კონკურენტული ბაზრის სტანდარტებთან. ფასწარმოქმნა ჯერჯერობით ვერ ემყარება სრულად საბაზრო პრინციპებს, რაც პირდაპირ გავლენას ახდენს კომერციულ სექტორზე.

2 ფოტო — დააჭირე გასადიდებლად

რა იცვლება ბიზნესისთვის

სამშენებლო და საინჟინრო კომპანიები, როგორიცაა „იეფესი“, უკვე ადაპტირდებიან ახალ სტანდარტებთან. ევროკომუნიტის მოთხოვნებთან დაახლოება განსაზღვრავს პროექტების ხარისხს, საჭირო ექსპერტიზას და სამომავლო საინვესტიციო გარემოს. ენერგოაუდიტის შესაძლებლობები კი ბიზნესს ენერგიის მოხმარების ოპტიმიზაციაში ეხმარება.