იმერეთში მომხდარი მძიმე დანაშაულის გამო სამართალდამცველებმა ერთი პირი დააკავეს. გამოძიების ინფორმაციით, ბრალდებულმა ცივი იარაღის გამოყენებით დედა, მეუღლე და მეუღლის მეგობარი ქალი დაჭრა.

შინაგან საქმეთა სამინისტროს ცნობით, დაკავებული პირი წარსულში ნასამართლევია და ამჟამად პირობითი მსჯავრის ქვეშ იმყოფებოდა. შემთხვევა ალკოჰოლური ზემოქმედების ფონზე მოხდა.

დაჭრილი ქალები სასწრაფო სამედიცინო დახმარების ბრიგადებმა კლინიკაში გადაიყვანეს, სადაც მათ შესაბამისი მკურნალობა უტარდებათ. პოლიციამ დანაშაულის ჩადენის იარაღი, დანა, ნივთმტკიცებად ამოიღო.

3 ფოტო — დააჭირე გასადიდებლად

საქმეზე გამოძიება საქართველოს სისხლის სამართლის კოდექსის 11 პრიმა 19-109-ე მუხლით მიმდინარეობს. აღნიშნული მუხლი ოჯახის წევრების მიმართ დამამძიმებელ გარემოებებში ჩადენილ განზრახ მკვლელობის მცდელობას გულისხმობს.

კანონმდებლობის მიხედვით, დანაშაული 20 წლამდე ან უვადო თავისუფლების აღკვეთას ითვალისწინებს.